قصيدة اتكلموا للشاعر صلاح جاهين

بسم الله الرحمن الرحيم


اهدى اليكم

ولروميو عاشق صلاح جاهين


هذه القصيده










اتكلموا
اتكلموا .. اتكلموا .. اتكلموا ... محلا الكلام ، ما ألزمه و ما أًعظمه ... فى البدء كانت كلمة الرب الاله ، خلقت حياه ، و الخلق منها اتعلموا ...
فاتكلموا
فى البدء كانت كلمة الرب الاله روح بجناحين شطار ، و صار للكون مداه . آخر مطافها ، جت و حطت ع الشفاه ، لما البشر ملكوا الوجود ، و استحكموا ...
فاتكلموا
الكلمة ايد ، الكلمة رجل ، الكلمة باب ، الكلمة نجمه كهربيه فى الضباب الكلمة كوبرى صلب فوق بحر العباب ، الجن يا أًحباب من ما يقدر يهدمه ...
فاتكلموا
الرمل مرمى تحت قبة السما ، مشتاق لقطره من المطر فيها النما ، ملايين سنين عمره ما داقها ، انما فيه كلمة تقدر فى المراوى تِعَوَّمه ..
فاتكلموا
فيه كلمة تقدر تزرع البور حور ضليل ، و كلمة تقدر تجعل الكوخ بيت جميل ، و ابو العيال و الجلابية الهلاهيل ، فيه كلمه تعطيه مال ، و كلمة تِهندمه ..
فاتكلموا
لكم السلام ، يا ملفوفين حول اللهب ، يا غواصين فى القلب ع الكلنه العجب ، فى البدء كانت كلمة الرحمن سبب و ما عادش غير الحق كلمة تِتَمَّه
فاتكلموا

ايه الجمال ده انتا ديما منور المتنتدى !:
فارس الاحلام

هايل يا حسام وننتظر كل ما هو جديد فى القسم

صلاح جاهين ده ابداع ويستاهل ان كلنا نحبه

شكرا يا عسل على انك بتهديلى الموضوع ده

ومبرو ك على الاشرااااااااااااااااااااااااف
عاوزين نشوف مجهودك ومواضيعك كده